Feb 01,2010
Warsanmag-Waxa aan helay qoraalo door ah iyo Emailo ay noo soo gudbiyeen Dad joob jooga ahaa dhacdaa iyo caruurti wakhtigaa qaar ka mid aha oo walidkoodu ku geeriyooday falkaas bahalnimada ah ee ay gaysteen diyaaradihii xabashasdu ee mamulkii Mingistu.Waxay intuba dhiirigalinayaan qoralkan ku saabsan maalintaa murugada leh ee 30kii January 1984.Waxay intuba isku raacsanyihiin in qoraalo iyo xus intan ka badan la sameeyo oo lagu xasuusto shuhadadii ku geriyootay gacantaa cadawga ee aan naxariista lahayn.Qoraaladaas waxa ka mid ah mid uu noo soo gudbiyey Wiil ay dhashay gabadhii aan ku soo qaatay maqaalka ee ay diyaraddu dishay iyada iyo caruurteedii oo sadexan.Wiilkan waxa Abti u ah Mohamed Abdillaahi Mixile wiilku ilmo ayuu ahaa wakhtigaas, hase ahaatee maanta waa nin weyn oo isaguba wax qora.waxana uu abtigii weydiinayaa ka dib markii uu maqaalkan akhriyey Suaashan:

:"Abti Mahamed Dhiirane nin la yidhaadho ayaa maqaal uu kaga hadlaayo weerarkii Itoobiya inagu soo qaaday websiteka
soo galiyay( http://www.warsanmag.com/index.php?nws=3428 ) .markaa Maxamed Cabdilaahi ayaa Almo adeer ahayn oo walaashii ay ku dhimatay weerarkaasi ayuu yidhi. Anigu maba garanayo ee waa kuma abti Mahamed Dhiirane? Laakiinse si fiican buu u qoray maqaalka oo iimayl thanks ahaa ayaan u diray."Sida uu Mixile ba u sheegay wiilka waxan Aniga(dhiirane) Hooyadii iyo Abihii iyo Abtigiiba aan kuwada dhalanay kuna wada kornay Tuli oo ka tirsan Degmada Dila waxana aanu nahay dad ehel iyo qaraabo intaba ah.Ujeedada qoraalkan aan u sameeyey ee aan buugga uga qoray iyo maqaalkanba ayaa ahayd in da,adaas ay helaan maalintaas murugada leh wixii dhacay oo ay noqoto xasuus la isku sii tabiyo.

Qoraalka labaad waxa isoo gudbiyey Mukhtar oo aan maqaalka ugu mahadnaqayey inu ino soo gudbiyey Sawirada,Hase ahaatee Mukhtar Sawirada iyo liiska magacyda Ardayda isagaa soo gudbiyey.Waxa kaloo uu mukhtar sameeyey qoraaladii ugu horeeyey ee sanadkii hore iyo kii ka horeeyeba ku soo baxay Borama News ee xuskaa malintaa murugada leh. Mukhtar waxa uu imka ku talo jiraa inuu buug ka qoro isagoo arintaa ka hadlaya waa kan qoraaliisii uu isoo gudbiyey:

"aad ayaad ugu amaanantahay walaal in aad qalin qaadato oo aad maanta oo kale xusto dhalaankii maalintaasi inag galbaday
walaal se waxaan kuu sheegayaa in aan anigu ahaa qofkii ug horeeyey reer awdal ah ee qoraal arinkan ku soo bandhiga dhanka internetka kaliya sawira uun ahayn waxa aan soo bandhigay ee waxa aan kaloo isku hawlay malmo liiska aad soo qortay ee magacda ah
shuhaddada. boramanews way soo gudbiyeen, hadda qoraalo badan ayaan ka sameeyey anoo dadyoow goob jooga ahaana waraystay oo aan rabo mustaqbalka in aan buug ka dhigo afsoomaali iyo waliba english"
waaad mahadsantahay
Mukhtar Abdirahman
Senior English teacher & freelance writer
Djibouti Institute of languages

Mar kale ayaan mahadnaq u jeedinaynaa Mukhtar waxan ku amaanaynaa xilka dheeraadka ee uu iska saartay sidii u soo nooleyn lahaa dhacdadan isagoo ahaa qofkii ugu horeeyey ee qoraal internetka ku soo bandhiga dhacdadan laba sano ka hor.Mukhtar waxa uu ku talo jira inuu buug ka qoro malintaas murugada leh ee 30 kii Jan.1984.

Qoraal kale oo waxa isna inoo soo gubiyey Jamaal oo ku nool jabouti waxana u dhiiri galinaya in loo sameeyo dhacdan xasuus joogto oo ma guuraan sida Taalo iwm.waa kan qoraalkisi:

.Asalaamu calaykum
walaal moxamed nabad,
walaal waxaa indhahayga ku soo joog jooga lilmo kadib markii aan akhristay maqaalkan dhiilada wata ee ku qoran lughayanews.
walaal waqtigas ay musiibadani dhacday ma aan joogin boorame oo jabuuti ayaan ku sugnaa waxaanan warka ka helnay maalintaas warkii BBC da ee shant iyo badhkii galabnimo, walaal waxii maalintaas dhacay maaaha wax lagu soo koobi karo qoraal ee waxaan u baahanahay in marka hore aynu bal dadkeena sida gaarka ah u dareemaya maalintaas foosha xun in aynu wada xadhiidhno oo bal aynu keeno fikrad ma guurto ah.

JAMAALUDIIN AL SAYLICI
DJIBOUTI

Ugu dambaystii waxa qoraal dheer noo soo gudbiyey nin arday ka ahaa wakhtigaas Dugsigii beeraha ee Caamuud oo goob joog ahaa si tafariran uga hadlaya dhacdada.

"Walaal Mahamed aad baad u mahadsantahay in aad soo bandhigto dhacdadan naxdinta leh, walaal anigu waxan ahay nin ka soo jeeda gobolka togdheer gaar ahaa degmadiisa balidhiig, waxan ma mid ahaa ardaydii dhiganaysay schoolkii beeraha ee camuud, waxan doonayaa in aan wax ku kordhiyo maqaalkaa aad soo qortay walaal, arintu sidan ahay ahayd:

Abdikariim Hirsi aad ayu u mahadsanyahay qoraaklisa oo dhan maqaal ahaan ayan u soo gelin doona Warsanmag.comiyo Alnuur.com si aan uga wada faaiidaysano madaama u ahaa goob jooge malintaa murugada leh.

Ugu dambayntii cid kastoo doonaysa inay ka hadasho maalintaas ama goob joog ha ahaado ama qof ay dhacdadaas samaysay ha haadee waxan kudhiirigalinayaa inad noo gudbisaan qoraaladiina iyo afkaartiina ku saabsan maalintaas murugada leh si aan xasuusteeda u balaadhino.

Mohamed Dhiirane

Mohamedrn@yahoo.ca