Jan. 28 - Boorama (alnuur)-Maamulka degmada Boorama, ayaa si weyn uga dayriyay xaalad abaareed oo ka taagan dhammaan deegaannada hoos yimaada degmada Boorama oo ay u ildaran yihiin dad iyo duunyo wixii goobaha ku noolaa oo intooda badan xoolihii ka dhammaadeen.

Sida uu noo soo tabiyay wariyahayaga Jamhuuriya ee gobolada Galbeedka Cabdiraxaman Maxamed Habane, waxa ay madaxda degmadan oo shalay shir jaraaid ku qabtay xaruntoodu dhawaaq dheer ugu baaqeeb xukuumada,hayadaha samafalka iyo bulshadaba in dadkaas ay la soo gaadhaan gurmad iyo gar gaar deg deg ah,maada ay xaaladu marayso meel halis ah wararka qaarna ay sheegayaan inay jiraan caruur nafaqo daro ugu dhintay maamulkuna ay carabaabeen inkasta oo anay ka bixin xog rasmi ah iyo wax tiro ah hadana jiritaankeeda way xaqiijiyeen.

Gudoomiye-ku-xigeenka degmada Boorama Muumin Gadiid oo xaaladan qaylo dhaanta ah jeediyay ayaa sheegay in dhamaan 54 ka tuulo ee degmada ay ka jirto abaartani inkasta oo ay u sii daran yihiin deegaanada xaliimaale,dhagaxa madow, gar gooray ilaa deegaanada weeraar.

Waxa kaloo abaarta ay hore u samaysay degaanada hoos yimaadda degmada Baki ee gubanka oo xoolaha iyo dadkuba ay aad u ildaranyihiin.

Source: Alnuur.com