Jan 22,2010

Borama-(Warsanmag)- Munaasabad si heer sare ah loo soo agaasimay ayaa maanta ka dhacday Dhakhtarka wayn nee AL-HAYAATT MEDICAL CENTRE,oo qiimihiisu ku kacay US$1,700,000.00 ayaa lagula kala wareegayay maanta Borama , dhakhtarkan ayaa waxaa wareejinayay hay’ada caalamiga ah ee AMOUD FOUNDATION waxayna ku wareejisay Jaamacada Cammuud Qaybteeda Caafimaadka oo halkaas uu gudoomay furayaashii dhakhtarku Dhiinkan Qaybta caafimaadka ee jaamacada Cammuud, Dr: Saciid Axmed Walhad.

Munaasabadan ayaa waxaa ka soo qayb galay, Mas’uuliyiin Heer Gobol iyo heer degmo, madaxda AMOUD Foundation oo ay ka mid ahaayee , Gudoomiyaha Amoud Foundation,

Mr: Mohamoud Faarax Cigaal,Mr: Abdi Daahir Aye Tresurer of amoud foundation.

Ibraahim Guray iyo Mas’uulka Amoud Foundation u jooga Somaliland C/wahaab Cige Ahmed, Salaadiin, cuqaal , dhakhaatiir, iyo marti sharaf kale oo fara badan.

Ugu horeyn halkaa waxaa ka hadlay

Gudoomiyaha Amoud Foundation , Moh’mud Faaraxa Cigaal waxa uuna sheegay in amoud foundation ay tahay Urur ushaqeeya dadka tabaalaysan ee danyarta ah ee aduunka meelkasta jooga waxa kale oo uu sheegay inay inta badan ka helaan taageerada iyo mucaawimida dadka muslimiinta ah ee inta badan jooga Dalka Maraykankan iyo umadaha kale, Sidoo kale waxa uu sheegay inay Somaliya iyo afrikaba ay ka hawlgalaan, ayna inta badana wax bulshada kala qabtaan , xaga caafimaadka, waxbarashada , iyo abaaraha, waxa kale oo uusheegay inay dhawaan bilaabi doonaan hawlgal loogu qodayo Ceelal biyo ah Dadka ubaahan ee meelaha biyaha ka dhaadheer degen.

Sidoo kale halkaa waxaa ka Hadlay Cabdi Daahir Aye Cabdi Atam oo isna ku dheeraaday Sida wanaagsan ee ay hawlaha uwadaan ayna ku rajo wayn yihiin Dadkaa wanwanaagsan ee ay ku wareejiyeen Dhakhtarkaa casriga ah inay uga faa’iidayn doonaan bulshadooda.

Dadkii halkaa ka hadlay oo aad ufara badnaa ayaa waxa ay inta badan ahayd mid mahadnaq iyo soo dhawayn ubadnayd.

Dadkii markaa halkaa ka hadlay oo aan soo koobnay ayaa kala ah sidan tan

Haaji Ahmed Miisaan oo ah Board ku xigeenka Jaamacada cammuud

Pro: Sulaymaan Axmed Guuleed Gudoomiyaha Jaamacada Cammuud

Dr: Saciid Axmed Walhad Dhiinkan Jaamacada Qaybteeda Caafimaadka

Faatima Xaaji Abokor Sh/ Omar Dhiinka qaybta Nurse

Dr: Diiriye Dhiinka Caafimaadka Jaamacada Hargeisa

Dr: Jaster: on behalf of Kijaabi Hospital

Badhasaabka Gobolka Awdla : Maxamuud Sh/A/LAAHI

Wasiirka Caafimaaka Somaliland: Cabdi Haybe.

Dhamaan dadkaas oo dhami waxa ay ku dheeraadeen sida wanaagsan ee hawshan loogu wareejiyay Dhakhtarkan casriga ah jaamacada Cammuud Qaybteeda Caafimaadka.

Ugu danbayn halkaa waxa ay jaamacada Cammuud Godoonsiisay Saraakiishii sare ee waftiga Ka socday AMOUD FOUNDATION shahaado sharafyo ay ugu tala galeen waxaan gudoonsiiyay madaxwaynaha jaamacada Cammuud Pro: Saleebaan Axmed Guuleed.

Sidoo kale waxaa shahaado sharaf la gudoonsiiyay hawlwadeenka Amoud Foundation qaybteeda Somaliland oo dhakhtarkan min bilow ilaa min nihaaya goobjoog u ahaa.

C/wahaab Egeh Ahmed waxaana gudoonsiiyay Gudoomiyaha Amoud Foundation.

Mohamud Faarax Cigaal.

Dhinaca kale waxaa isla halkaas Amoud Foundation Ay ku wareejisay Furayaashii Dhakhtarka Gudoomiyaha jaamacada Cammuud Pro Saleeban Axmed Guuleed, isna waxa uu ku sii wareejiyay Dhiinka Jaamacada Cammuud Qaybteeda Caafimaad

Dr: Saciid Axmed Walhad.

Ugu danbayntii halkaa waxaa ka dhacday Xaflad loo sameeyay Wareejinta oo xadhiga lagaga jarayay.

Runtii AMOUD FOUNDATION WAXA KU AMAANAN YIHIIN DADAALKA AY MUUJIYEEN UNA MUUJIYEEN SHACABWAYNAHA SOOMAALIYEED GAAR AHAAN SHACABKAN KU NOOL AWDAL WAXA AYNA MUDAN YIHIIN IN AY KU DAYDAAN DADKA LA MIDKA IYAGA. LANA SIIYO SHAHAADO SHARAFYO.

ANAGUNA HADAAN NAHAY BAHWAYNTA SHABAKADA WARARKA EE IDHANKA DHAMAANTAYO WAXAAN LEENAHAY HANBALYO AMOUD FOUNDATON .