Waxay Xildhibanadaasi ku baaqeen inuu Goluhu xidhan yahay illaa inta uu ka immanaayo Guddoomiyaha Golaha Guurtiddu haddii kale la isku dili doono.

Ugu horayn Shirkkaasi jaraa’id waxa ka hadlay Guddoomiyhii hore ee Guddiga Joogtada ee xilka laga qaaday Xildhibaan Cabdillaahi Ibraahim Xirsi (Dhugad) waxaanu ku bilaabay sida:-

Hawlo laga wada Madaxtooyada oo la leeyahay Shir-guddoonkii iyo Guddoomiyihii Joogtadaba rida la leeyahay, Guddi Joogto ah oo kale inoo sammeeya, iyadoo aanay ciddiba ogayn ayaa xalay nagu soo dhacday, la yaab malaha oo waa weerarkii idinkuba aad ogaydeen ee maalin walba jiri jiray, waxaana wada kuwii aad ku tiqiineen, waana intii oo aan qofna laga beddelin, Sh. Axmed Nuux, Siciid Timo-wayne iyo Xog-hayihii saddexdaa ayaa waxoodii wada oo Aqalkaa (Madaxtooyda) ka soo wada, markii hore Dhaameel qaadasho lacag ayayba ahayd imika waa garoomo shalay ayaa la jeexanayay, anigu waxaan ahay Guddigii Joogtada, intii Goluhu uu soconaayay aniga ayaa Golaha waday, warbixintii aanu maalintii dhawayd soo saarnay ee uu diiday in la soo saaro Guddoomiye ku-xigeenka 1aad Sheekh Axmed Nuux, Sheekh maaha ninka maalin walba la laayahay kaalay gawrac Guurtidda.

Anigu haddii aan ahay Guddoomiyihii Guddigga Joogtadda intii Shirku isku imanaayo ee la isku wada imanaayo waa xidhan yahay Golaha Guurtiddu, waan xidhiy sharcigaana ii fasaxaaya Golaha mar haddii uu khaakhuul galo, loona taag-waayo kuwii kalee meesha joogay wuu xidhan yahay Goluhu.

Waxan waxa looga jeedaa in aan (Vote) dhicin, waxa looga jeeda in khaakhuul la rido, waxaasi oo dhana waxaa wata ninkaasi (Madaxweynaha) Madaxweyne maahee waa ninkaasi maalinba dargad yar iibinaya, dadku sabool ayuu u bixiyaybee.

Tan iyo inta uu maqan yahay Guddoomiyaha Golaha Guurtiddu uu xidhan yahay Aqalkaasi Guurtiddu.

Xildhibaan Sheekh Maxamuud Xirsi Faarax :-

“Wixii Qaranku noo igmaday ee ay Ummada reer Somaliland noo igmatay dhanka kale ayaa loo rogay, Xeerasha in aanu ansixino ayay ahayd oo aan shaqayno waa la gooyay wixii oo dhan, Golihii ayaa lagu soo jeedsaday sidii Shir-gudoonka loo badali lahaa, ninkaa maqan ee safarka ku maqan ee maanta inuu dhintay iyo inuu nool yahay war aan laga hayn si loo badalo, kol waxaa na loo soo cuskaday Xeer Hoosaad, oo kolka horeba la laalay oo laga heshiiyay, kii ayaan hor-joogsanay oo ballanteenu sidaasi ma ahayn ayaanu nidhi, haddana waxa la bilaabay Guddigii Joogtada ahaa. Guddiga Joogtadu Xeer ayay lahayd xeerkeediina waa laga weecday waxbaa looga dan leeyahay, waa Guddoonka waxa lagu socdaa, markaasi waxaan leeyahay inta Guddoomiyuhu imanaayo sidaasi uu sheegay Guddoomiyaha Guddiga Joogtadu Goluhu waa xidhan yahay, haddii kale waa la isku dili.”

Xildhibaan Jaamac Faarax Axmed:-

Waxaan u sheegaynaa Ummadda aanu halkan u fadhino in hawl-galkii la doonaayay dalkan in aanay Doorasho kaga dhicin halkan laga wado, la doonaayana in khal-khal dhaco mar labaad, inta Guddoomiyaha Guurtiddu imanaayona uu Goluhu sidaasi uu sheegay Guddoomiyaha Guddiga Joogtaddu uu ku xidhan yahay.

Source: Waaheen